Sundalo Tagapagtanggol ng Pilipino

-------------------------------------------------- From the People | Soldiers of the People | About Us | Links --------------------------------------------------

Sign up in the MALAYANG TALAKAYAN Message Board/Forum. Join the CYBER PROPAGANDA MOVEMENT

TULA NG PANININDIGAN

Kulungan man at rehas ay di makakapigil sa aming simulain

hindi ang kapal ng semento o tibay ng

bilangguan ang magiging sagabal sa sinumpaang

tungkulin;

Ang kapanglawan ng hatinggabi ay ating hahamakin

pagkat tayo ay nagsusulong sa banal na layuning

palayain ang bayan sa mga mapang-alipin...

Paninindigan, isang mabisang kalasag sa larangan ng pakikibaka

magdudulot sa atin ng ibayong pag-asa;

laksa mang hapis ay di alintana

patuloy na magsusulong sa diwang

Maka-PILIPINO at mapagpalaya---

Harangan man ng sibat ang daang binabagtas

pilit pa ring lalandasin kahit na ikapahamak

katawang lupa man ay maigupo ng katunggaling lakas

lalaganap pa rin ang kaisipang PILIPINO na

ating yinakap

Ito ay lalagos sa pinakamatibay mang moog, papaimbulog sa

kalawakan at doon ay magsasabog

ng mga butil ng diwang ating itinaguyod

sa mayamang lupain ng bayang iniirog...

JHguillermo 1989

( Ang tulang ito ay katha ni Lt Guillermo para sa mga bayani ng pag-aalsang 1989, siya ay nasa aktibong puwersa pa rin ng Uniformed service. ang tulang ito ay inialay niya sa kanyang mga nakasama sa pagkubkob sa white plains at sa mga kasapi ng 34th Company ng 4th MBLT na siyang nanindigan hanggang sa huling sandali. Ilang bomba ang pinakawalan ng T-28 sa kanilang pwersa hanggang sa lumipad ang F-5 ng US na pansamantalang gumapi sa kanilang hanay sa white plains.)

--------------------------------------------------

TADHANA NG MGA KAWAL

Kayo nga ba ay tinadhana na maging sundalo

upang maglingkod sa mga pinunong pabaya?

ipatupad ang kanilang baluktot na utos

at pansariling kagustuhan.

Di ba malinaw sa kanila ang batas

na kayo ang tagapagtanggol ng Bayan.

Bakit nagawa nilang piringan

ang inyong mga mata at pananaw?

Nang sa gayon ba'y di niyo matanaw

ang kaaba-abang kalagayan sa lupang sinilangan.

Ang malawakang kagutuman na kumakatok

sa mga pinto ng bawa't tahanan.

Mga batang musmos, na nagbebenta na sariling puri

upang maibsan ang kumakalam nilang sikmura.

Ang mga may sakit na namamatay,

na walang gamot at di nakaaninag ng mga Doktor.

Tinakpan nila ang inyong mga tainga

upang di niyo marinig ang mga

panaghoy at daing ng mga kapatid din natin

na sumunod sa mga panulat ni Rizal.

Binusalan din nila ang inyong mga bibig

upang tinig nyong katotohanan ay di marinig.

Ilan taon din kayong nagtiis at umasa

sa mapayapang pagbabago upang sila ay makapagbago.

Nguni't sila ay nagbingi-bingihan at itinuring

na tahanan ang dilim ng kapangyarihan.

kaya di nila napansin ang mga papalapit na kulog at kidlat

na sa kanila ay malapit ng tumupok.

Malapit ng pumutok ang mga bulkan sa inyong dibdib

na lalagot sa lumang tanikala, ng sa gayon ay madama

ng sanlibutan na kayong mga sundalo at pulis ang tunay

na tagapagtanggol ng inang bayan,.......ayon sa tinadhana.

--------------------------------------------------

SCOUT RANGER OFFICERS

DETAINED IN TANAY, RIZAL

BGEN Danilo Lim

LTC Nestor T. Flordeliza

LTC Edmundo Malabanjot

Maj. Jose Leomar Doctolero

Maj. Jason Aquino

Maj. Oriel Pangcog

Capt. Isagani Criste

Capt. James Sababan

Capt. Jose Fontiveros

Capt. Montano Almodovar

Capt. Ruben Guinolbay

Capt. William Upano

Capt. Frederick Sales

Capt. George Malones

Lt. Jason Cordero

Lt. Ervin Divinagracia

Lt. Richiemel Caballes

Lt. Homer Estolas

Capt. Allan Aurino

1Lt. Sandro Sereno

2Lt Antonio Timbal

Sino nga ba kayo?

Gen. Lim, Gen. Gudani, Gen. Miranda,

Col. Quirubin, Lt. Col. Balutan, Lt. Col. Flordeliza, LtSg. Trillanes, Capt. Faeldon, Maj. Aquino, Maj. Pangcog, etc.?

Tunay kayong mga kawal pilipino

sa paninindigan, sa prinsipyo...

moog kayo ng katatagan at katapangan

ano't kayo ngayon ay nagkakanlong sa karimlam.

Dininig niyo ang daing ng sambayanan

bayang pinapahirapan ng mga linta at buwaya ng lipunan

masang aping lagi na lang tinatapakan

katarungan at katotohanan ay laging nilaalambugan...

Tinugon nyo ang hamon ng makabayang panahon

baril nyong tangan sa tunay na kaaway itinuon

sa bulok na sistemang inyong nilalayon

lansagin, durugin at sa hukay ay ibaon.......

Pulitika ng oportunismo ay lagi na lang namamayani

pulitika ng prinsipyo ay lagi na lang nagagapi

sa demokrasyang nagbabalatkayo sa pagkukunyari

may puwang at lugar kaya ang maliliit at naaapi?

Kalayaan at demokrasya ay lagi na lang ipinagsisigawan

ng mga buwitre, uwak, at sakim na iilan

sa naghihingalong sambayanan, sila ay laging nakabantay

upang ibaon ang kuko ng kamatayan.......

Di nga ba't nandiyan at lagi na lang nakatanghod

ang agilang dayo at sa bayan ay nakatanod

alaga niyang manika at mga daga ay sunod lang ng sunod

kahit bayan ay naghihikahos, sa hirap humihilahod.

Ang ginawa niyo ba ay kahangalan

katrayduran nga ba o kabayanihan

sa paghahangad nyong mabago ang lipunan

ano't kayo ay binansagang sundalo ng karahasan.......

Sino nga ba ang tunay na taksil?

di ba silang mga nangakong sa bayan ay maglilingkod

wala ng ginawa kundi mangurakot

limas dito, kulimbat doon sa kabang yaman ng bayan naghihikahos

Kayo ay sundalo ng masang pilipino

hindi instrumento ng pasismo at estado...

kayo ngayon ay nakahanay sa mga puwersang progresibo

naghahangad, nagnanais ng tunay na pagbabago......

Tumaas ang antas ng inyong kamalayan

pampulitikang kamulatan niyo ay ganap na lumawak...

ngayon ay alam niyo na kung para saan ang baril niyong hawak

kung sino ang paglilingkuran, kung sino ang ibabagsak!!!

Hindi na kayo ang dating sundalong sunod-sunuran lamang...

sa kahit anong iaatas ng sakim na iilan

kayo ngayon ay nagtatanong na, nagsusuri ng lubusan

kung atas nga ba ay makatarungan at para sa bayan.

General Lim, General Gudani, Lt.Sg Trillanes, Capt. Faeldon, etc

tunay kayong mga anak ng bayan

alaala niyo ay mananatili sa aming isipan

kahit kayo ay ituring nilang sakim sa kapangyarihan

kabayanihan niyo ay nakaukit sa puso ng sambayanan

Kasakiman bang putulin ang pagmamalabis ng iilan

kasakiman bang ipaglaban ang hinaing ng bayan?

ayyyyyyy, hindi sila ang maghuhusga ng tunay niyong kalooban

kundi ang susunod na salinlahing may mataas na kamulatan!!!

KATIPUNERO

--------------------------------------------------

ENLISTED PERSONNEL

SSG Reynaldo A. Bala

SSG Marciano R. Saraspi

SSG Ronnie S. Dizon

SSG Alexander G. Verzon

SSG Rodelio M. Tuazon

Sgt. Richard B. Javier

Sgt. Pastor M. De Guzman

Sgt. Orlando A. Valencia

Sgt. Nelson V. Alquiza

Sgt. Juanito B. Tercero Jr.

Sgt. Jose T. Famularcano Jr.

Sgt. Benito S. Baggay

Sgt. Arthur I. Arienda

Pfc. Winston M. Tingabngab

Pfc. Rommel M. Puma

Pfc. Robert B. Palaruan

Pfc. Pinley L. Amarante

Pfc. Larry A. Quinto

Pfc. Kernell F. Pahimnayan

Pfc. Jerry V. Avila

HULING PAHIMAKAS

NG KAWAL NG

SAMBAYANANG PILIPINO

Kung sakali mang ako ay bumagsak

sakali mang katawang lupa ay mabuwal

sakali mang puso'y di na tumibok

hininga'y kinakapos at di na makakibo

sakali mang mga mata ko'y wala nang maaninag

kundi ang mapanglaw na puntod ng mga

bumulagtang kasamahan,

sa luha, pawis at dugo'y kakikitaan

nang hindi yumukod na paninindigan...

May umawit kaya ng himig nang pamamaalam?

may maghandog kaya ng tula nang kagitingan?

may bumagtas kaya sa tinahak naming landas?

na puno nang pasakit, pagdurusa't paghamak...

Kayong mga namulat sa ating panahon

sa lakas nang paninikil 'wag magpalambong

sa mga banyagang tuso'y huwag magpadambong

mga katutubong HUDAS, lupigin at ibaon

Sa mga sumusunod sa aking yapak

italaga ang sarili sa pagsubok na katumbas

ay laksang mga hapis dulot ng mga pilat

sanhi ng mga sugat nang kapaitang dinanas...

Sa mahal kong kabiyak at mga mahal ko sa buhay

huwag ninyong panghinayangan ang maningning kong

kinabukasan,

sa pagdurusa ko ngayon, 'wag akong kahabagan

pagkat kami ay may prinsipyong pinaninindigan

Kung ako ma'y bibigyan ng libo mang buhay

nang POONG MAYKAPAL na aming gabay

lalandasin ko pa rin ang tinahak kong daan

buhay at talino'y handog para sa INANG BAYAN

Aanhin ba ang kasanayang napanday?

Aanhin ba ang punyal at baril kong tangan?

Di ba't upang magtanggol sa binubusabos na mamamayan

At lansagin ang huwad na pangulong pahirap sa bayan,

putulin ang paghahari at pagmamalabis ng iilan!!

Ayyyy, wala nang tatamis pa sa buhay na naputi,

kung para sa paglaya nang dinuhaging lahi,

wala nang dadakila pa sa dugong itinigis

sa pagtatanggol sa bayang saklot

ng dusa't hapis

Paalam na paalam, mahal na INANG BAYAN

nahihilam na sa luha, mga mata kong nalulumbay

ngunit sa paglisa'y may dugong babalong

sa sugatan kong pusong paglaya ang nilalayon,

paalam na paalam.

Mahal na INANG BAYAN...

(Isang pag-aalay sa lahat ng nakikibakang kawal para sa katotohanan at katarungan, sa mga nakapiit, patulo'y nawang maging malaya ang kanilang diwa't pag-iisip- JHGUILLERMO)

--------------------------------------------------

BANGON NA

Bangon na mga kasundaluhan mula sa liping magiting

ikaw ay may papel na dapat gampanan

kahit na ikaw ay itinuturing na laruan

at sunod-sunuran...

Taas nuo kang humarap sa madla

madilim mong kasalukuyang ipagwalang bahala

anak ka ng bayang dapat matuwa

tungkulin mo'y gampanan ng walang paghihinawa.

Sumulong ka! kasundaluhang api

ngayon ang panahon ng pagdili-dili

ikaw ay bahagi ng lipunang ginagalawan

dapat kang lumaban sa

mga huwad na pinunong sukaban

upang igalang at pagpitagan ng

iyong Inang Bayan na minamahal

--------------------------------------------------

DETAINED IN TANAY, RIZAL

Pfc. Isidro R. Areja

Pfc. Emmanuel M. Derilo

Pfc. Dylan F. Monton

Pfc. Daligdig, AR

Pfc. Castromayor, Jr CP

Pfc. Arleen S. Garcia

Pfc. Aristotle D. Lucena

Cpl.Jorcie V. Espejo

Cpl. Zaldy A. Cabico

Cpl. Walter A. Francisco

Cpl. Romel C. Pascua

Cpl. Reynaldo C. Pacete

Cpl. Ramon P. Perania Jr.

Cpl. Nicomedes P. Fernandez Jr.

Cpl. Medel A. Calda

Cpl. Giovanni B. Bonagya

Cpl. Dennis F. Marzan

Cpl. Adonis R. Pabillo

Cpl Jayson A. Avellano

-------------------------------------------------- From the People | Soldiers of the People | About Us | Links --------------------------------------------------